13 октября, 2021 - 11:42
Арт жыллада республикабызны эллеринден ара шахаргъа автобусла, маршрут таксиле да заманында жюрюгенликге, адам ашыкъгъанда энчи машиналары бла такси жумушла тындыргъан жашланы болушлугъун хайырланады.
Бир бирледе шахаргъа барыргъа угъай, элни ичинде окъуна жумушунга аллай такси излеген заман кеп чыгъады. Ким тойгъа барады, ким къайгъы сезге, ким ауруп, врачха барыргъа тюшеди, жашауда хар тюрлю ишле бола турадыла.
Къашхатауда жашагъан Чеченланы Альберт кесини машинасы бла адамланы керек жерлерине ташый, кеп хакъ да алмай, уллу ыразылыкъ табады. Кеси да ариу сезлю, жарыкъ жашды. Адамланы барын да бирча ыразы этген тынч жумуш тюйюлдю, болса да Альберт аланы келлерине жетерге кюрешеди. Бирде уа адамны ахчасы жетмесе, не да болмай къалса – жолда къоюп кетмез. «Болса берирсе», - деп да къоюучуду. Ала уа анга:»Ахшы жолгъа бар, къууанып къайт, жолунг къоркъуусуз болсун», - деп алгъыш этиучюдюде.